Melissa Group tərəfindən sakinlər üçün təşkil olunan “M-Fest” festivalı Melissa Park yaşayış kompleksində baş tutub. Yay mövsümünün son günlərini birlikdə yola salmaq məqsədilə keçirilən tədbir sakinləri və onların ailələrini bir araya gətirib.

Artıq ənənə halını alan bu cür sosial tədbirlər Melissa Group-un sakinlər arasında ünsiyyəti gücləndirmək, birlik və qonşuluq mədəniyyətini yaşatmaq istiqamətində həyata keçirdiyi təşəbbüslərin bir hissəsidir. Şirkət il ərzində müxtəlif konseptlərdə tədbirlər təşkil edərək sakinlərin birlikdə vaxt keçirməsi və yaşayış mühitində daha yaxın münasibətlərin formalaşması üçün şərait yaradır.

M-Fest çərçivəsində canlı musiqi və DJ çıxışları, müxtəlif oyunlar, ailəvi fəaliyyətlər və əyləncə zonaları təşkil olunub. Festival ərazisində yaradılan fərqli məkanlar gün ərzində həm böyüklərin, həm də uşaqların vaxtlarını maraqlı keçirməsinə imkan verib.

Qonşuları bir araya gətirən film gecəsi

Festivalın ən yaddaqalan hissələrindən biri açıq havada təşkil olunan film gecəsi olub. Melissa Park sakinləri ailələri və qonşuları ilə birlikdə böyük ekran qarşısında film izləyərək yay axşamını birlikdə keçiriblər.

Film gecəsinin yaratdığı ab-hava bir zamanlar məhəllələrdə formalaşan qonşuluq ənənələrini xatırladıb. İnsanların bir araya gəlməsi, birlikdə vaxt keçirməsi və söhbətləşməsi həmin ənənələrin əsas hissələrindən biri olub. M-Fest çərçivəsində bu atmosfer müasir yaşayış kompleksində yenidən canlandırılıb.

Festival boyunca davam edən musiqi, oyun və müxtəlif fəaliyyətlər Melissa Park sakinlərinin gündəlik həyatına fərqli bir təcrübə qatıb və kompleks daxilində sosial ünsiyyət üçün əlavə imkan yaradıb.

Melissa Group sakinləri bir araya gətirən bu cür tədbirləri davam etdirərək yaşayış komplekslərində qonşuluq münasibətlərinin və icma mədəniyyətinin inkişafına töhfə verməyi hədəfləyir.